ՊՈՒԵՆՈՍ ԱՅՐԷՍ.- Յետ երկարատեւ հիւանդութեան, մահացաւ արժանթինցի իրաւագէտ եւ մարդկային իրաւունքներու ռահվիրայ Լէանտրօ Տեսփուին (72 տարեկան):
Տեսփուի ներդրում ունեցաւ Հայոց ցեղասպանութեան ճանաչումի աշխատանքին` 1985-ին Մ.Ա.Կ.-ի ենթայանձնախումբի պատմական որոշումին մէջ, Էրիքա Տայէսի, Լուի Ժոանեթի, Թէօ Ֆան Պովենի եւ ուրիշներու կողքին: Տասնամեակներ շարունակ ան մնաց հայ ժողովուրդի ճակատագիրին ու նորագոյն պատմութեան ուղեկից` ըլլալով նաեւ հաւատարիմ գաղափարի ընկեր Հայ Յեղափոխական Դաշնակցութեան: