ԱՆԳԱՐԱ.- Թուրքիոյ վարչապետ Ահմէտ Տաւութօղլուի գլխաւոր խորհրդական Էթիէն Մահճուպեան հեռացուած է իր պաշտօնէն: Անոր
աշխատանքէ հեռացուելուն իբրեւ պատճառ կը նշուի յառաջացած տարիքը։
Մահճուպեան ծնած է 1950-ին…:
Ան Տաւութօղլուի խորհրդականի պաշտօնին նշանակուած էր ամիսներ առաջ` Հոկտեմբեր 2014-ին:
Հռոմի Պապի մատուցած պատարագէն ետք, Մահճուպեան յայտարարած էր, որ սխալ պիտի ըլլար Ափրիկէի եւ Պոսնիոյ մէջ տեղի ունեցածը անուանել Ցեղասպանութիւն, իսկ հայերու հետ տեղի ունեցածը` ոչ: Մահճուպեան կարծիք յայտնած էր, որ զարմանալին այն չէ, որ Հռոմի Պապը հիմա կ՝ըսէ Ցեղասպանութիւն, այլ զարմանալին այն է, որ ինչպէս այսքան տարի չէ ըսած:
Մահճուպեան աշխատանքէ հեռացուած էր Մարտ 9-ին, այսինքն, երբ ան 1915-ին տեղի ունեցածը ցեղասպանութիւն կոչած էր, արդէն Տաւութօղլուի խորհրդականը չէր:
The post Թուրքիոյ Վարչապետ Տաւութօղլուի Խորհրդական Մահճուպեանը Պաշտօնազո՞ւրկ appeared first on Hairenik Weekly Newspaper.