ԵՐԵՒԱՆ.- Հայաստանի վարչապետ Տիգրան Սարգսեան, Ապրիլ 3ին ներկայացուց իր հրաժարականը, որ քննարկուեցաւ իշխող Հանրապետական կուսակցութեան գործադիր խորհուրդի նիստին եւ ընդունուեցաւ:
Ըստ Ազգային Ժողովի փողնախագահ Էդուարդ Շարմազանովի, վարչապետը իր հրաժարականի դիմումը ներկայացուցած էր մէկ ամիս առաջ, սակայն նկատի առնելով Մաքսային միութեան հետ կապուած եւ այլ հարցեր, նախագահ Սերժ Սարգսեան խնդրած էր մէկ ամիս սպասել:«Հայաստանի Հանրապետութեան վարչապետ Տիգրան Սարգսեան այսօր ներկայացուց հրաժարականի դիմում», նիստէն ետք լրագրողներու հետ զրոյցին յայտարարեց Հանրապետական կուսակցութեան բանբեր Էդուարդ Շարմազանով: