Հ.Յ.Դ. Հանրային կապերու գրասենեակը կը տեղեկացնէ, թէ Հոկտեմբեր 16-ին, Հ.Յ.Դ. Բիւրոյի պատուիրակութիւնը Հայաստանի մէջ Միացեալ Նահանգներու դեսպանատան մէջ հանդիպում ունեցաւ Միացեալ Նահանգներու դեսպան Լին Թրէյսիի հետ:
Հանդիպումը մաս կը կազմէ Երեւանի մէջ հաւատարմագրուած դեսպաններուն հետ Հ.Յ.Դ. Բիւրոյի հանդիպումներուն: Ցարդ Հ.Յ.Դ. Բիւրոյի պատուիրակութիւնները հանդիպումներ ունեցած են Հայաստանի մէջ Ռուսիոյ եւ Իրանի դեսպաններուն հետ:
Հ.Յ.Դ. Բիւրոյի պատուիրակութիւնը գլխաւորեց Բիւրոյի ներկայացուցիչ Յակոբ Տէր Խաչատուրեան:
Մէկ ժամ տեւած հանդիպման ընթացքին քննարկուեցան հայ-ամերիկեան բարեկամական յարաբերութիւններն ու զարգացման կարելիութիւնները: Անդրադարձ կատարուեցաւ նաեւ շրջանային եւ ներքաղաքական հարցերուն: Երկուստեք կարեւոր նկատուեցաւ պարբերական կապեր հաստատելու անհրաժեշտութիւնը: