ՈՒԱԹԸՐԹԱՈՒՆ (Մասաչուսէց). – Յունիս 2019-ին Սուրբ Ստեփանոս Ազգային Վարժարանը յաջողութեամբ բոլորեց իր 35-րդ ուսումնական տարեշրջանը: Ամավերջի Հանդէսները տեղի ունեցան Յունիս 13-ին (Մանկապարտէզ) և Յունիս 14-ին (Նախակրթարան), ներկայութեամբ խանդավառ ծնողներու և շրջանի Հայ եկեղեցիներու հովիւներուն: Յունիս 14-ին ներկայ գտնուեցաւ նաև Ազգային Առաջնորդարանի Ուսումնական Խորհուրդի տնօրէն՝ Տօքթ. Վարդան Մատթէոսեանը, որը այս առիթով մասնաւորաբար ժամանած էր Նիւ Եորքէն:
Երկու հանդէսները նուիրուած էին դպրոցի 35-ամեակին: Նախակրթարանի Հանդէսը նուիրուած էր նաև Կոմիտաս Վարդապետի և Յովաննէս Թումանեանի Ծննդեան 150-ամեակներուն, ինչպէս նաև Հայ Մամուլին, որովհետեւ Նորին Սբ. Օծութիւն Մեծի Տանն Կիլիկիոյ Կաթողիկոս Արամ Ա.ը 2019-ը հռչակած է Մամլոյ Տարի:
Իր խօսքին մէջ, տնօրէնուհի Հուրի Պոյամեան շնորհակալութիւն յայտնեց ուսուցչական և վարչական կազմերուն, ծնողական մարմնին, դպրոցի խնամակալութեան և յանձնախումբերուն, Սուրբ Ստեփանոս Եկեղեցւոյ Հովիւ Տէր Անդրանիք Աւագ Քհնյ Պալճեանին և Հոգաբարձութեան, ինչպէս նաև բոլոր այն անհատներուն և կազմակերպութիւններուն որոնք կը նպաստեն դպրոցի վերելքին:
Խօսք առաւ նաև խնամակալութեան ատենապետ՝ Լեւոն Պարսումեանը, որը շնորհակալութիւն յայտնեց ծնողներուն և յանձնախումբերուն: Յունիս 13-ին, Մանկամսուրի Տնօրէն Մարալ Օրջանեան անդրադարձաւ այն աշխատանքին մասին, որ կը տանեն Մանկամսուրէն ներս յաջողցնելու համար ուսումնական ծրագրի նպատակները:
Յունիս 13-ին Տիկին Պոյամեան պատուեց մանկամսուրի ուսուցիչներ՝ Տիկին Լօրա Թերզեանին և Տիկին Վիքի Աշճեանին դպրոցի արծաթեայ զարդասեղով իրենց տաս տարիներու անձնուէր ծառայութեան համար, իսկ Տիկին Աննա Քիւփէլեանին մասնաւոր նուէրով մը իր 20 տարիներու նուիրական ծառայութեան համար:
Այս նոյն օրը, տիկին Պոյամեանը պատուեց նաև Մանկամսուրի տնօրէնուհի՝ Տիկին Մարալ Օրջանեանին իր 20 տարիներու ծառայութեան համար (10 տարի իբրև մանկամսուրի ուսուցչուհի և 10 տարի ալ իբրև մանկամսուրի տնօրէն): Ան վեր առնելէ ետք Օրջանեանի արժանիքները և հոգածու վերաբերմունքը իր աշակերտներուն և ուսուցիչներուն հանդէպ, Տէր Անդրանիկի և դպրոցի Կրթական Մարմնէն Հէտըր Գրաեեանի հետ միասին զինք պատուեց երկու Գնահատագիրներով, մէկը Հայաստանի Հանրապետութեան Սփիւռքի Նախարարութենէն, իսկ միւսն ալ Ամերիկայի Արեւելեան Թեմ-ի Առաջնորդ Սրբազան, Անուշաւան Արքեպիսկոպոս Դանիէլեանէն, ինչպէս նաև խորհրդանշական նուէրով մը դպրոցի կողմէ: Օրջանեան երկու անակնկալներ ունեցաւ: Շրջանաւարտներէն Իզապելլա Պալեանը խօսեցաւ իր փորձառութեան մասին իբրեւ աշակերտ, ապա մանկամսուրի աշակերտները տիկին Մարալին նուիրուած երգ մը երգեցին:
Յունիս 14-ին, տիկին Պոյամեան վեր առաւ Արտեմիս Մկրտիչեանի 20 տարիներու նուիրական աշխատանքը իբրեւ Նախակրթարանի հայերէնի դասատու: Ան յայտնեց, որ տիկին Արտեմիս, ոչ միայն կը սորվեցնէ հայերէն լեզու և հայոց պատմութիւն, այլ նաև աշակերներուն մէջ կը ստեղծէ հայու ոգին, ազգային պարտկանութեան գիտակցութիւն և անհուն սէր հայրենիքի հանդէպ:
Ան ամէն տարի ճկունօրէն կը համադրէ ամավերջի Հանդէսի բովանդակութիւնը, կը ծրագրէ աւարտական դաարանի Հայաստան այցելութիւնը և կը քաջալերէ բարձրագոյն դասարանի աշակերտներուն պատմութիւն գրել և նկարազարդել, ապա զանոնք կարդալ աւելի փոքրերուն:
Տնօրէնին միացան տէր Անդրանիկ Աւագ Քահանան, տոքթ. Մատթէոսեանը և կրթական մարմինէն՝ Քրիսթա Աֆթանտիլեանը պատուելու համար տիկին Արտեմիս, որը ստացաւ երկու գնահատագիրներ, մէկը Հայաստանի Հանրապետութեան Սփիւռքի Նախարարութենէն, իսկ միւսն ալ Ամերիկայի Արեւելեան Թեմի Առաջնորդ Սրբազան, Անուշաւան Արքեպիսկոպոս Դանիէլեանէն, ինչպէս նաև խորհրդանշական նուէր մը դպրոցի կողմէ: Շրջանաւարտներէն՝ Մեղրի Տէր Վարդանեան մեծ համարումով խօսեցաւ Իր հինգ տարիներու ուսուցչուհիին մասին, իսկ նախակրթարանի աշակերտներն ալ գեղեցիկ երգ մը նուիրեցին իրեն: Բոլոր կարգերու ելոյթէն վերջ Տէր Անդրանիկ և տոքթ. Մատթէոսեան իրենց գնահատանքը յայտնեցին ուսուցիչներուն և տնօրէնութեան իրենց արդիւնաբեր աշխատանքին համար, իսկ աշակերտներուն իրենց գեղեցիկ ելոյթին համար:
Տնօրէնը և Եկեղեցւոյ Հովիւը կատարեցին վկայականներու բաշխումը: Յունիս14-ին Մրցանակներու բաշխման ժամանակ իրենց ընկերացաւ տոքթ. Մատթէոսեանը, որը Հայերէնի մէջ գերազանց աշակերտներուն ներկայացուց Ազգային Առաջնորդարանի Հայերէնի Մրցանակը՝ Լեւոն Ա.-ի արծաթեայ դրամը: Զուգադիպօրէն այս տարի Լեւոն Ա.-ի մահուան 800-ամեակն է:
Յունիս 13-ին, Մանկապարտէզէն վկայական ստացան 15 աշակերտներ՝ Մէրի Ալճալեան, Քամի Արզումանեան, Արիանա Պատրիկեան, Ատրիանա Պէշիրեան, Արմէն Կէպէեան, Ռոմըն Ղազարեան, Աւօ Յակոբեան, Ալիք Իսքենտէրեան, Էվըլին ՄանՃըլըքլեան, Նայիրա Մինասեան, Փաթրիք Մալվի, Լեւոն ներկարեան, Քաթալինա Սալիպեան, Ցոլեր Սէրայտարեան և Հրակ Թոքաճեան:
Յունիս 14-ին, Նախակրթարանէն վկայական ստացան 20 աշակերտներ՝ Վարդան Առաքելեան, Վիգէն Բանեան, Անայիս Գահվէճեան, Նշան Եագուպեան, Սոֆիա ԹԻնքճեան, Սարօ Իսկէնտէրեան, Սոնիա Հալէպլլեան, Կասիա Հասրճեան, Սարին Մարգարեան, Նարինէ Մարտիրոս, Զուլալ Մերտինեան, կասիա Մինասեան, Նարեկ Մինասեան, Նիքըլըս Նալպանտեան, Ճուլիա Չափեան, Լարա Չէքիճեան, Անտրէ Պէշիրեան, Ալլա Պետրոսյան, Լէա Կարապետեան և Արին Ստեփանեան:
2019 –ի Մրցանակներ
Թուաբանութեան Բացառիկ և Աննախընթաց Մրցանակ՝ Վարդան Առաքելեանին
Թուաբանութեան Միջազգային Մրցոյթներուն իր գերազանց յաջողութիւններուն համար
Հայերէնի Դասընթացքներու Մրցանակներ – Ե. Դասարան
-Ազգային Առաջնորդարանի Մրցանակ՝ Վարդան Առաքելեան, Սարօ Իսկէնտէրեան, Ալլա Պետրոսյան, Արին Ստեփանեան, Անտրէ Պէշիրեանս, Լարա Չէքիճեան, Կասիա Մինասեան, Նարինէ Մարտիրոս, Լէա Կարապետեան և Նարեկ Մինասեան
-Հայ Օգնութեան Միութեան Մրցանակ՝ Վարդան Առաքելեան
-Դպրոցի Կրթական Մարմնի Մրցանակ Հայերէն Սահուն Արտայայտութեան համար՝ Անայիս Գահվէճեան և Սոֆիա Թինքճեան
Հայերէնի Դասընթացքնեթու Վերաբերեալ Այլ Յիշատակութիւններ –Ե. Դասարան
-Սահուն Ընթերցանութեան: Ճուլիա Չափեան, Կասիա Հասրճեան
– Հայոց Պատմութեան Հանդէպ Հետաքրքրութեան ՝ Նշան Եագուպեան, Զուլալ Մերտինեան, Սարին Մարգարեան
–Հայկական Սովորութիւններու հանդէպ Հետաքրքրութեան ՝ Սոնիա Հալէպլեան
– Հայերէնի Հանդէպ Դրական Կեցուածքի ՝ Վիգէն Բանեան, Նիքըլըս Նալպանտեան
Նախագահական Մրցանակներ– Ե. Դասարան
–Գերազանցութեան Մրցանակ՝ (կը վերաբերի բոլոր նիւթերու)
Վարդան Առաքելեան, Լարա Չէքիճեան, Լէա Կարապետեան, Սարին Մարգարեան
–Ուշագրաւ Յառաջդիմութեան Մրցանակ՝ (կը վերաբերի բոլոր նիւթերու)
Անայիս Գահվէճեան, Ճուլիա Չափեան
Օրինակելի Քաղաքացիի Մրցանակ՝ – Ե. Դասարան
Նարինէ Մարտիրոս, Նիքըլըս Նալպանտեան, Սոֆիա Թինքճեան
Մասնաւոր Յիշատակութիւններ – Ե. Դասարան
-Ջանասիրութեան՝ Ալլա Պետրոսյան
–Ջանասիրութեան և Ստեղծագործութեան՝ Կասիա Մինասեան
–Հետեւողականութեան՝ Կասիա Հասրճեան, Վիգէն Բանեան
-Բարձրորակ Աշխատելաձեւի՝ Զուլալ Մերտինեան և Սոնիա Հալէպլեան
-Կարեկից Առաջնորդի և Գեղարուեստական Արտայատութեան՝ Սարօ Իսկէնտէրեան
-Ստեղծագործ և Վերլուծող Մտածողութեան՝ Նարեկ Մինասեան
-Շարադրութեան և Պատմութեան՝ Նշան Եագուպեան
-Թուաբանութեան՝ Անտրէ Պաշիրեանց
-Գրականութեան և Գիտութեան՝ Արին Ստեփանեան
Նշան և Արշալոյս Նաճարեան Կրթաթոշակ- (150 տոլար իւրաքանչիւրին)
-Երաժշտութեան Մրցանակ՝ Գաբրիէլ Ալճալեան, Վանեսա Աթաքեան, Փաթիլ Մարտիրոս
–Արուեստի Մրցանակ՝ Մանէ Արզունեան, Կարօ Կէպէեան, Արմէն Պարսումեան