Ա․Մ․Ն․ Նահանգներու արեւելեան շրջանի Հայ Օգնութեան Միութեան 98-րդ Շրջանային Պատգամաւորական Ժողովը տեղի ունեցաւ Հինգշաբթի, Օգոստոս 9-էն մինչեւ Կիրակի, Օգոստոս 12, Ֆլորիտայի Պոքա Ռաթոն շրջանին մէջ, հիւրընկալութեամբ տեղւոյն «Սօսէ» մասնաճիւղին։
Չորս օրերու վրայ երկարող այս ժողովին քննուեցան կատարուած աշխատանքներն ու յառաջիկայ տարեշրջանի համար առաջարկներ:
Ժողովը վարեցին Սեդա Ադամեան (Քէյմպրիճ – Մասաչուսէց, «Շուշի» մասնաճիւղ, անգլերէն) եւ Մայտա Մելքոնեան (Ուաթըրթաուն – Մասաչուսէց, «Լէօլա Սասունի» մասնաճիւղ, հայերէն), իսկ քարտուղարութեան պաշտօն ստանձնած էին Քնարիկ Գիլէճեան (Նիւ Ճըրզի – «Շաքէ», հայերէն). Ֆլորիա Գասպարեան (Նիւ Ճըրզի – «Ակնունի» մասնաճիւղ, հայերէն), Նուէր Օրանճեան (Նիւ Եորք – «Էրեբունի» մասնաճիւղ, անգլերէն) անգլերէն) եւ Անի Զարքարեան (Քէյմպրիճ – Մասաչուսէց, «Շուշի» մասնաճիւղ, անգլերէն):
98-րդ պատգամաւորական ժողովի հիւրերն էին՝ Հէտըր Քրաֆեան եւ Խաչիկ Մուրատեան: Բացման հանդիսութեան ներկայ էին Ա.Մ.Ն. արեւելեան շրջանի Առաջնորդական Փոխանորդ Անուշաւան Դանիէլեան, Հ.Օ.Մ.-ի Կեդրոնական Վարչութեան անդամ՝ Սիլվա Թագւորեան-Գույումճեան, Հ.Յ.Դ. արեւելեան շրջանի ներկայացուցիչ ժան Աւետիսեան եւ Գանատայի Հ․Օ․Մ․-ի Շրջանային Վարչութեան անդամ՝ Անի Օհանեան։
Խաչիկ Մուրատեան ստացաւ «Ակնունի» շքանշանը, Հ․Օ․Մ․-էն ներս կատարած իր աշխատանքներուն պատճառով։
Ժողովը խոր շնորհակալութիւնը յայտնեց ընթացաւարտ Շրջանային Վարչութեան ատենապետ Թալին Տաղլեանի եւ Սոնիա Պզտիկեանի, որոնք հետեւողական կերպով աշխատած էին, զանազան ձեռնարկներ կազմակերպելով։
Շրջանային Վարչութեան 2017-2018 տարեշրջանի կազմը կը բաղկանայ հետեւեալ անդամներէն.-
Սանտրա Վարդանեան (Նիւ Եորք, «Էրեբունի» մասնաճիւղ), Ճօանա Չիլինկիրեան (Քէյմպրիճ – «Շուշի» մասնաճիւղ), Հէտըր Քրաֆեան (Քէյմպրիճ, «Շուշի» մասնաճիւղ), Մարալ Նաքքաշեան (Ուաշինկթըն, «Սաթենիկ» մասնաճիւղ), Անի Աթթար (Տիթրոյթ – «Ցոլիկ» մասնաճիւղ), Մարի Անն Անտոնեան (Նիւ Ճըրզի – Պերկըն Քաունթիի մասնաճիւղ) եւ Սիլվա Սաղըրեան (Տիթրոյթ – «Ցոլիկ» մասնաճիւղ):