Վերահաստատելով ժողովրդային շարժման արդիւնքում ստեղծուած իրավիճակի հանգուցալուծման մեր մօտեցումները` սահմանադրականութեան եւ օրէնքների շրջանակներում կարգաւորում գտնելու նպատակով, Հ.Յ.Դաշնակցութիւնն առաջարկում է.-
Մայիս 1-ին կայանալիք Ազգային Ժողովի նիստին ընդառաջ խորհրդարանական բոլոր խմբակցութիւնների մասնակցութեամբ, համախոհաբար ձեւաւորել միասնական քաղաքական օրակարգ, համաձայնուել ժողովրդի վստահութիւնը վայելող միասնական թեկնածուի շուրջ, որ պէտք է համախոհութեան հիման վրայ ներկայացնի կառավարութեան համապատասխան կազմ եւ գործունէութեան ծրագիր:
Սոյն նախաձեռնութիւնը կեանքի կոչելու համար պատրաստակամ ենք առարկայական քննարկումներ սկսել բոլոր շահագրգիռ կողմերի հետ:
Հ.Յ.Դ. ՀԱՅԱՍՏԱՆԻ ԳԵՐԱԳՈՅՆ ՄԱՐՄԻՆ